کدخبر : 35560
یکشنبه ۲۲ مرداد ۱۳۹۶ - ۱۲:۵۸
فاقددیدگاه
موصاحیبه:

تورک دیلی و ادبیات بولومونو تبریز بیلیم یوردوندا نئجه سئچمه لییک؟

دورنانیوز - تورکجه سئرویسی : چوخلو انتظاردان سونرا آنجاق بیلدیر تبریز بیلیم یوردوندا آذربایجان تورک دیلینده کورسو قورولدو. بو بولوم و صینیف حاقدا چوخلو سؤز -ساولاردا اولموشدور.

دورنانیوز :چوخلو انتظاردان سونرا آنجاق بیلدیر تبریز بیلیم یوردوندا آذربایجان تورک دیلینده کورسو قورولدو. بو بولوم و صینیف حاقدا چوخلو سؤز -ساولاردا اولموشدور.
یئنى تحصیلى ایلده بو رشته نى سئچمک ایچون خالقیمیزا و یئنى اؤیرنجى لره تانیتدیرماق آماجی ایله خانیم دنیز صمدپور بو کلاسلارین اوستون بیر اؤیرنجی لریندن دانیشیق آپارمیشیق.
————–
* اوولده لطفن اؤزونوزو اوخوجولاریمیزا بیر آز تانیتدیرین؟
– من دنیز صمدپور ساراب شهریندن
تبریز دانشگاهیندا تورک دیلی بؤلومونده اؤیرنجی یم

*- آنا دیلیمیزین بیر اؤنجول اؤیرنجی سی کیمی اولماقدا دویغولارینیز نئجه اولموشدور؟
چوخ و سرحد سیز سئوینجی دیر بو دویغونو, نه دینله مک اولار نه یازماق اولار ونه… تکجه بیری بو حسی تجروبه ائیله سه بیلر نه حیس دیر .

*- آرادا بعضى شوونیستى مدیالار کلاسلاردان منفى خبرلر یایمیشدیر حتى بیرینه ده سیز تپکی گؤسترمیشدیز, قونو نه ایدی؟
– بیر گون دوستلاردان منه بوخبری کی کانال لارین بیرینده یاییلمیشدی یوللا دیلار کی اوندا یازیلمیشدی بو ریشته نین اوخویوجولارینان نئچه سی انصراف و تغییر ریشته وئریب من بوخبری گؤرجک چوخ ناراحات اولدوم و بو یالان خبرین قاباغین آلماغینا باشلادیم گونده نئچه نفر منن بوخبرین دوغرو یا یالان اولماقین سوروردیلار منده بو شرایط گوره بیر یازی یازیب و اوندا بو خبرین بوتون لیک له یالان اولماقین یازدیم .

* تورک دیل کیلاس لاریندا ائتنیک ترکیبى نئجه دى؟
بیر خبره گؤره شاگردلرین چوخونو فارس دیللی یازمیشلار!
ایستردیم بیلم نئچه نفر تورک, نئچه نفر فارس یا کورد وار؟

– بونودا دئمه لییم کی سنجش سازمانی ۴۰نفر بیزیم ریشته یه اؤیرنجی گؤتورمیشدی کی ۲۷نفر کیلاسلاردا حضورلاری واردی و فقط بیر نفر عزیز دوستلاردان خانوادگی و شخصی مسئله ایچون تغییر ریشته وئردی و اؤز شهرینده اوخوماغا مجبور اولدی
بیزیم کیلاس بوتونلیک له تورک دیلر و هامیسی اؤز آنا دیللرین اوخویورلار کیلاس دا نه فارس و نه کورد وار

*- تخصصی درس لرین متنلری هانسی قایناقلاردان وئریلیر؟

-تخصصی درس قالیب هانسین دئیه سیز مثلا معانی و بیان و انواع ادبی تورکی جامع کیتاب اولمادیغی ایچون سیروس شمیسا نین کیتابلارین اوخویوریق آما نظم بو ترمه قدر از فضولی تا شهریار آقای دست پیشین کیتابین و دوکتور صدیقین یازدیغی نباتی دیوانین اوخویوریق و یازی قایدالارینین قایناقی پروفسور ذهتابی و اسماعیل هادی نین کیتابلاری دیر.تاریخ ادبیات دا دوکتور هیئت جنابلارین کیتابی قایناق دیر. البته بونو دئمه لییم کی اوستادلار دئییب لر انشاالله گلن ترم دن اؤزوموز کیتاب یازیب وئره جییک
*- استادلارى نه سویه ده گؤردوز, نئچه سینی آد آپاریب نه رشته ده اوزمان اولدوقلارینی دئیین

-شوکور تانری یا اوستادلاردان راضی ییک هرزامان بیزه دوغرو یولو گؤستریب لر اوستادلارین چوخو ادبیات فارسی اوخویوبلار بیزیم ریشته نین اوستادلارینان اوستاد اقبالی جنابلاری کی اوستاد شهریارین شاگیردی اولوبلار ،اوستاد طالعی جنابلاری، اوستاد رنجبر ،اوستاد عابدی،اوستاد خاکپور،اوستاد موسی زاده،…

*- تبریز بیلیم یوردونون گله جک وئرلیشلرى بو قونودا ندیر؟
– بلی یئنی برنامه لر واردیر اؤرنک ایچون بیزیم ریشته نین فوق لیسانسین دا بیر ایل بیز اوخویانان سورا گتیره جکلر ،…

– یئنى اؤیرنجى لره بو رشته نى سئچمک ایچون تاپشیریق لاری نیز نه اولور؟
– بوتون یئنی اؤیرنجی لردن و قهرمان آذربایجان میللتینن ایستییرم اؤز آنادیللرین غربته سالمایالار و آرزوم بودیر کی بو یولون داوامی اولسون تا اؤز آنادیللرین آکادمیک اؤرگن سینلر ایندی بو حال دا هر بیریمیزین وظیفه میزدیر کی بو ریشته نی اوخویاق و قورویاق

*- بو رشته نی بیتیردیکدن سونرا توپلومدا اؤیرنجیلر نه ایشلرده چالیشا بیلرلر؟
-بیر بو کی انشاالله آنادیلیمیز مدرسه لریمیزه قویلسا اورادا معلم عنوانین ده استخدام اولاجاییق، ایکینجی دانشگاه لاردا دا بیزیم رشته میزده اوستاد یوخدیر چون بو ریشته ایران تاریخینده بیریجی سری دیر کی قویولوب اونا گؤره دانشگاه لاردا چوخ نیاز وار، بیزیم ریشته نی اوخویان دیلمانجی ، ویراستار ، محقق اولا بیلر و یا وزرات خانالاردا دا چوخ نیاز وار بیزیم ریشته ایچون و صداسیما اداره سینده مخصوصاً اوستانی شبکه لرده بو ریشته نین اوخویوجولارینین یئری چوخ بوش گؤرسه نیر سؤزون سونو بو کی بیزیم ریشته نین ایش بازاری نسبت اوبیرسی ریشته لره البته پزشکی دن سونرا چوخ وار .

*جامعه ده میللتین باخیشی سیزلره نئجه دیر؟
– هر یئرده هر زامان ائشیدیب بیلیرلر کی بیز بو ریشته ده تحصیل آپاریریق چوخ سئوینیب و ماراقلانیرلار و بیزلرینن چوخ سایقی و محبت له داورانیشیرلار.
من بورادا لازیم گؤرورم کی تشککور و میننتدارلیقیمی بوتون او کس لره کی بوراجاق منن حمایت ائدیب و گوج وئریب لر بیلدیرم .

* آخیردا سیزدن تشکور ائلیرم, سیزه و صینیف داشلاریزا آیدین گله جک دیله ییرم سوندا اؤرک سؤزلریز ؟
-ساغولاسینیز .منیم اؤرک آرزوم بودیر کی آنادیلیمیزی هامی اوشاخلاریمیز و گله جک نسیللریمیز آکادمیک و مدرسه لرده اوخوسونلار
*- استادلارى نه سویه ده گؤردوز, نئچه سینی آد آپاریب نه رشته ده اوزمان اولدوقلارینی دئیین

-شوکور تانری یا اوستادلاردان راضی ییک هرزامان بیزه دوغرو یولو گؤستریب لر اوستادلارین چوخو ادبیات فارسی اوخویوبلار بیزیم ریشته نین اوستادلارینان اوستاد اقبالی جنابلاری کی اوستاد شهریارین شاگیردی اولوبلار ،اوستاد طالعی جنابلاری، اوستاد رنجبر ،اوستاد عابدی،اوستاد خاکپور،اوستاد موسی زاده،…

*- تبریز بیلیم یوردونون گله جک وئرلیشلرى بو قونودا ندیر؟
– بلی یئنی برنامه لر واردیر اؤرنک ایچون بیزیم ریشته نین فوق لیسانسین دا بیر ایل بیز اوخویانان سورا گتیره جکلر ،…

+- یئنى اؤیرنجى لره بو رشته نى سئچمک ایچون تاپشیریق لاری نیز نه اولور؟
– بوتون یئنی اؤیرنجی لردن و قهرمان آذربایجان میللتینن ایستییرم اؤز آنادیللرین غربته سالمایالار و آرزوم بودیر کی بو یولون داوامی اولسون تا اؤز آنادیللرین آکادمیک اؤرگن سینلر ایندی بو حال دا هر بیریمیزین وظیفه میزدیر کی بو ریشته نی اوخویاق و قورویاق

*- بو رشته نی بیتیردیکدن سونرا توپلومدا اؤیرنجیلر نه ایشلرده چالیشا بیلرلر؟
-بیر بو کی انشاالله آنادیلیمیز مدرسه لریمیزه قویلسا اورادا معلم عنوانین ده استخدام اولاجاییق، ایکینجی دانشگاه لاردا دا بیزیم رشته میزده اوستاد یوخدیر چون بو ریشته ایران تاریخینده بیریجی سری دیر کی قویولوب اونا گؤره دانشگاه لاردا چوخ نیاز وار، بیزیم ریشته نی اوخویان دیلمانجی ، ویراستار ، محقق اولا بیلر و یا وزرات خانالاردا دا چوخ نیاز وار بیزیم ریشته ایچون و صداسیما اداره سینده مخصوصاً اوستانی شبکه لرده بو ریشته نین اوخویوجولارینین یئری چوخ بوش گؤرسه نیر سؤزون سونو بو کی بیزیم ریشته نین ایش بازاری نسبت اوبیرسی ریشته لره البته پزشکی دن سونرا چوخ وار .

*جامعه ده میللتین باخیشی سیزلره نئجه دیر؟
– هر یئرده هر زامان ائشیدیب بیلیرلر کی بیز بو ریشته ده تحصیل آپاریریق چوخ سئوینیب و ماراقلانیرلار و بیزلرینن چوخ سایقی و محبت له داورانیشیرلار.
من بورادا لازیم گؤرورم کی تشککور و میننتدارلیقیمی بوتون او کس لره کی بوراجاق منن حمایت ائدیب و گوج وئریب لر بیلدیرم .

* آخیردا سیزدن تشکور ائلیرم, سیزه و صینیف داشلاریزا آیدین گله جک دیله ییرم سوندا اؤرک سؤزلریز ؟
-ساغولاسینیز .منیم اؤرک آرزوم بودیر کی آنادیلیمیزی هامی اوشاخلاریمیز و گله جک نسیللریمیز آکادمیک و مدرسه لرده اوخوسونلار

0
امتیاز:
اشتراک گذاری:
مطالب مرتبط
دیدگاه شما