کدخبر : 35494
دوشنبه ۱۶ مرداد ۱۳۹۶ - ۱۹:۰۲
فاقددیدگاه

“اکیزلر”ین یؤنتمه‌نی دورنانیوز ایله اؤزل موصاحیبه سی: آذربایجان سینماسی یارانماغا دوغرو گئدیر

بیرینجی تبریز فیلم جشنواره‌سی مرداد آیینین۱۰دان ۱۳دک تبریزین ناجی سینماسیندا گئچیریلدی. دورنانیوز - تورکجه سئرویسی: مرداد آیینین ۱۳ جوما گونو بیر سس‌سیز گونده تبریزین ناجی سینماسینا گئدره‌ک، بو جشنواره‌نین سون گونونه قاتیلدیق. جلفا، حفره‌، اکیزلر...فیلملری بو گون پرده‌‌ده گؤستریلدی. هاوانین ایستیسینه باخمایاراق چوخلو عزیز وطن داشلار تبریزدن هابئله آذربایجانین باشقا شهرلریندن مرند، جلفا، خوی، اورمو... سینما سئورلر قاتیلمیشدیلار. فیلم‌لرین سونوندا واخت قوللاییب اکیزلر فیلمینین کارگردانی جناب محمد علیمرادینین سوراغینا گئدیب اونونلا نئچه‌ دقیقه سؤیله‌یشیمیز اولدو.

دورنانیوزون اوزه ل ریپورتاژی: بیرینجی تبریز فیلم جشنواره‌سی مرداد آیینین۱۰دان ۱۳دک تبریزین ناجی سینماسیندا گئچیریلدی.
مرداد آیینین ۱۳ جوما گونو بیر سس‌سیز گونده تبریزین ناجی سینماسینا گئدره‌ک، بو جشنواره‌نین سون گونونه قاتیلدیق. جلفا، حفره‌، اکیزلر…فیلملری بو گون پرده‌‌ده گؤستریلدی. هاوانین ایستیسینه باخمایاراق چوخلو عزیز وطن داشلار تبریزدن هابئله آذربایجانین باشقا شهرلریندن مرند، جلفا، خوی، اورمو… سینما سئورلر قاتیلمیشدیلار. فیلم‌لرین سونوندا واخت قوللاییب اکیزلر فیلمینین کارگردانی جناب محمد علیمرادینین سوراغینا گئدیب اونونلا نئچه‌ دقیقه سؤیله‌یشیمیز اولدو.
۱.لوطفا اؤزونوزو هابئله اثرلرینیزی تانیدین؟
محمد علیمرادی‌یام، کارشیناس اریتیباطات، اصلینده ژورنالیستم آما بئش-آلتی ایلدیر حرفه‌ای شکیلده مستند فیلم ساحه‌سینده چالیشیرام. مرند دوغوملویام،تبریزده یاشاییرام.
“من عصمتم” حئیوانلاری قوروما ساحه‌سینده بیر فیلم‌دی کی ایجتماعی و فعال محیط زیست قونوسوندا ایشله‌نمیشدی، یاپیمجی‌سی( تهیه‌کننده) قونو سئچیمی منه عایددیر کی جشنواره‌لره‌ده یول تاپدی.
آکرو توریسم و اکینچیلیک ساحه‌سینده بیر ایشیم اولوب. اکینچیلیک آدینا جهاد کشاورزینین سیفاریشی اساسیندا ایشله‌میشیک. زیست محیطی قونولارا ایشاره ائتمیشیک هابئله اکین یئرلرینین قورورنماسینین اؤنه‌مینه توخونموشوق.
۲. اکیزلر فیلمینی تانیدین، بو فیلمین چکیم نه‌دنلرین آنلادین؟
“اکیزلر” فیلمی عومومییت‌ده بیر زیست محیطی فیلم‌دی کی ایجتیماعی باخیشینان دونیادا اولان اکوسیستیم دیشیکلیکلریله بیرگه اورمو گؤلونه گؤز آتیر. بیلدییینیز کیمی اورمو گؤلونه تای بیر آیری گؤلده وار “آرال گؤلو” اکیزلر فیلمینین ایده‌سی اوردان یاراندی. مستندلرده گؤردوم کی آرال آدلی بیر گؤل وار قزاقیستان‌لا اؤزبکیستان آراسیندا، ایللر اؤنجه قوروماغا باشلییب دئمک اولار بیزیم دورومدادیر. یانی فاجعه‌نین قلبیده آرال گؤلونون قوروماسیندادیر. ذهنیمده یاراندی کی بو گؤللرین بنزرلیی اوچون بیر سندلی فیلم چکیم.
دئمک اولار کی فیلم‌ده گؤردویونوز کیمی اکیزلر فیلمینده اوشاقلار وار، اوردا اوز وئره‌ن زیست محیطی فاجعه‌نین اونلارین یاشاملارینین دوروموندا ائتکیسینی فیلمه چکمیشیک. اونونلا بیرزاماندا آرال گؤلونه‌ده گؤز دولاندیریریق و اوردا اولان دورومون عینی بیزیم دوروموموزا تای اولدوغونو، کی بشر سودان یاردیم آلیب نه تمددونلر یارادیب. یئری گلنده‌ده بو سولارین آرادان گئتمه‌سیله بو تمددونلرین‌ده آرادان گئتدیینی، اؤرنک اولاراق اومو گؤلونو گؤرسه‌دیریک. آرال گؤلونون قوروماسییلا بؤیوک فاجعه‌لر یارانیب، کؤچمه‌لر، ناخوشلوقلار… کی بیز گؤروروک اوردا اینسانلار دیشیکلیک یاراتماغا باشلاییب چالیشیرلار. فیلم‌ده گؤردوک کی اوردا آرال فوندو یارانیب ۲۲-۲۳ ایل شوروی داغیلدیقدان سونرا دیشیکلیییه باشلییبلار. معیشت جایگزین، محیط زیست و بهداشتی قونولاردا آزدا اولسا موفق اولوبلار.
بیزده اومود ائدیریک اینشالله اورمو گؤلوده NGOلارین، گؤره‌ولیلرین چالیشمالاری سایه‌سینده اورمو گؤلوده بو پروسه‌نی گئچیریب هم اورمو گؤلونون احیاسیندا آددیم لار آتاق همده اوردا اولان سورونلار، کؤچمه‌لر، نوخوشلوقلار، عایله‌وی سورونلاری… کی اورمو گؤلونون قوروماسییلا باشلیییب قاباغین آلاق.
۳. آذربایجان سینماسینین دورومو هابئله گله‌جه‌یین نئجه گؤرورسونوز؟
البتته بو ساحه‌ده اوستادلاریمیز نظرلرین وئریبلر، منجه‌ آذربایجان سینماسی سون ایللرده گؤرونورکی یارانماغا ساری گئدیر. ائله بوردادا زیست محیطی مسئله‌لرینین یئری وار.بیز گؤروروک کی حتی داستانی فیلملرده اورمو گؤلونون دورومونا توخونولور، اؤرنک کؤزمه، گمیچی یا دومان آدلی اوزون سینما فیلمینده‌ده گؤروروک کی لوکئیشئنی آپاریب اورمو گؤلونه ایرتیباط وئریبلر بیز اورمو گؤلونده فیلم‌ده گؤروروک.
۴. گله‌جه‌ک برنامه‌لریزده هانسی اثرلر اولاجاق؟
بیر مستندچی اولاراق منیم ایسته‌ییم ایجتیماعی ژانرلاردا ایشله‌مکدی آما قادینلار ساحه‌سینده‌ده بیر فیلمیمیز تولیددن چیخیب تدوین آشاماسیندادیر. بو فیلمده یازیچی خانیملاریمیزدان بیریسینین کیتابیندا یاراتدیغی اثرینین پورتئره‌سیدیر. اینشالله یاخین گله‌جکده او اثرینده تقدیماتی اولاجاقدیر.
۵. گله‌جکده بوندان بؤیوک جشنواره‌لرده، فستیواللاردا آذربایجان سینماسی آدینا بئلنسی اثرلری چکیب قاتیلماغا قصدینیز وارمی؟
یوز فاییز آذربایجان سینماسی آدینا اولاجاق. بو فیلم‌ده ادبیات، دیل کی گئدیر ایراندا آذربایجانلیلارا عایددیر و گئدیر کی یارانسین. سیز بوردا گؤردویونوز (تبریز فیلم جشنواره‌سی) کیمی اثرلرده سیز حیس ائلییسیز گئدن دیل، ادبیات و بحثلر مختص آذربایجاندیر. منیم‌ده آرزیمدیر شرایطلر یارانسا، بیزده اونا چالیشیریق. متاسفانه سینما ساحه‌سینده سرمایه یاتیردان آزدیر، یانی عومومییتده ایراندا آزدیر. یالنیز بیز تهراندا گوجلو گؤروروک چون اوردا انباشت سرمایه وار.
اینشالله آذربایجاندادا بو شرایط یارانار. ان آزی سینمادا مستند بؤلومونده کی ائلیییه بیللیک چوخ مسائیلی گؤرسه‌دک. ذاتا مستند آینادی، جامعه‌نی انعکاس وئریر. بیز گرچک لری اوردا گؤروروک. نئجه‌کی اکیزلر فیلمینده یا عیصمتین فیلمینده گؤردوک کی باخیشلار بیر حئیوان سئوره جامعه‌ده نئجه‌دیر.
۶. نظریزه فیلم‌دن ایستیقبال نئجه‌اولدو؟
من چوخ تشککور ائلییرم، اینانمیردیم چوخ زحمت چکیبلر. فرهنگی فعاللار، ایجتیماعی، زیست محیطی فعاللار علاقه‌مند اینسانلار گلمیشدیلر. چوخ گؤزلیدی، اوتوروب فیلم‌لرین هامیسینا باخدیلار. بو بیزیم فرهنگیمیزین یوخاریلیغین گؤرسه‌دیر. چوخ ساغ اولسونلار دوستلار تشریف گتیرمیشدیلر. میللتیمیزین سینمایا، محیط زیسته رغبتینی ، اؤنه‌مینی گؤسته‌ریر.
سونوندا دورنانیوز اوخوجولارینا تشککورلریمی بیلدیریره‌م.

                                        

 

تنظیم له ین: جلیل تاری

0
امتیاز:
اشتراک گذاری:
مطالب مرتبط
دیدگاه شما