کدخبر : 32639
یکشنبه ۷ شهریور ۱۳۹۵ - ۱۹:۳۰
فاقددیدگاه
متخصص لر بیلدیریر

ایستی‌لر ارکن دوغوما یول آچیر

دورنانیوز - تورکجه سئرویسی : متخصص‌لر، حدین‌دن آرتیق ایستی‌لره دقت ائتمه‌ین آنا‌لارین ارکن دوغوم ریسکی ایله قارشی-قارشییا اولدوغونو بیلدیردی.

دورنانیوزون آلدیغی خبرلره گوره ؛ حدین‌دن آرتیق ایستی‌لیک‌دن ان چوخ تأثیرلنن‌لر باشیندا آنا نامیزدلری گلیر. حامیله‌لیک دؤورونده آرتان مادده‌لر موبادیله‌سی سرعتی‌نین بدن ایستی‌لیگینی یوکسلتدیگینی، بونا بیر ده هاوا ایستی‌لیگی علاوه حامیله‌لرین یاخشیجا چتین‌لیک چکدیگینی ایفاده ائدن اؤزل حیات خسته‌خاناسی قادین خسته‌لیک‌لری و دوغوم متخصصی دوکتور نظمیه شنتورک، حامیله‌لیکده سیجاق‌لارلا باشا چیخمانین یول‌لارینی آچیقلادی.

دوکتور نظمیه شنتورک، “یاز دؤورونده آنا نامیزدلری‌نین یاشادیغی چتین‌لیک‌لری، ایستی باسما‌لاری، اوووج ایچی و آیاق دؤشمه‌لرینده ترلمه‌لر، یوخوسوزلوق، آلرژیک پروبلم‌لر، نفس دارلیغی، حال‌سیزلیق، اورک بولانما و قوسما اولا‌راق سایابیلیریک. بو چتین‌لیک‌لر یاز آیلاریندا ایسه داها آغیر کئچر. خصوصیله حامیللیگین سون ۳ آیی‌نین یاز آیلارینا برابر گلمه‌سی شیکایت‌لری داها دا ناراحات ائدیجی بیر شکیلده اورتایا چیخماسینا سبب اولار. حدین‌دن آرتیق ایستی‌لیک‌لرین وئردیگی چاره‌سیزلیک آنا نامیزدلرینی دوغوم ایله علاقه‌دار ناراحات‌لیق‌لارینی داها دا آرتیریر “ایفاده‌لرینی ایستیفاده ائتدی.

دوکتور نظمیه شنتورک، یوکسک ایستیلیک‌لرله باشا چیخمانین یولونون بول سو ایچمک‌دن کئچدیگینه دقت چکه‌رک، “حامیله‌لیکده بد‌نین سوسوز قالماسی، رحم‌ده سیخیلما‌لارا و دوغوم سانجی‌لارینا، حتی ارکن دوغوما بئله سبب اولا بیلر. بونا گؤره حامیله‌لر اوچون بول مایع ایچیلمه‌سی حیاتی اهمیت داشیییر. آنجاق تئز سیدییه چیخاردا‌راق مایع ایتکی‌سینه سبب اولان چای و قهوه‌دن اوزاق دایانیلما‌لی. بدن‌ده شیشکین‌لیگی آرتیران گازلی مشروبات‌لار دا بو دؤورده اوزاق دایانیلماسی لازیم اولان ایچکی‌لر آراسیندا یئر آلیر. حامیله‌لیک اوچون ان اویغون ایچکی ایسه سو. ان آز گونده ۸-۱۰ ایستکان سو ایچیلمه‌سی لازیم‌دیر. بوزلو نانه و لیمون اتیرلی ایچکی‌لر ده ایچیله بیلر “دئیه دانیشدی.

حامیله‌لرین بدنینی سرین توتا‌جاق پالتارلاری سئچیم ائتمه‌سی لازیم اولدوغونو وورغولایان نظمیه شنتورک، “حامیله‌لیکده قان دولاشماسینه مانع اولمایان پامبیق‌لی کتان ماتریال‌دان حاضیرلانمیش راحت پالتارلار سئچیم ائدیلمه‌لی‌دیر. آچیق رنگ‌لی پالتارلار گونش شعاع‌لارینی عکس ائتدیردیگی و بدنی سرین توتدوغو اوچون حامیله‌لرین گاردیروپ‌لاریندا یئرلرینی آلما‌لی. نایلون و بدنی ساران دار گئییم‌لر بدن ایستی‌لیگینی آرتیردیغی اوچون گیییلمملی. آلچاق دابانلی ایدمان آیاق قابی‌لار سئچیلمه‌لی “ایفاده‌لرینی ایستیفاده ائتدی

.

0
امتیاز:
اشتراک گذاری:
مطالب مرتبط
دیدگاه شما