کدخبر : 32567
شنبه ۶ شهریور ۱۳۹۵ - ۷:۴۳
فاقددیدگاه
صبرایله آخیرا کیمی اوخویون

قیسا اما درین سوزلو بیر حیکایه

دورنانیوز - تورکجه سئرویسی : قادین هر سحر اولدوغو کیمی او گونده آغ ده یه نه یی الینده اوتوبوسا مینمیشدی . شوفر دئدی : خانیم سولدان اوچونجو سیرا بوش . قادین 32 یاشیندا بیر گوزل قادینیدی و یولداشی دا اولدوقجا یاراشیقلی بیر دنیز ضابیطی ایدی .

دورنانیوز – قیسا حیکایه : قادین هر سحر اولدوغو کیمی او گونده آغ ده یه نه یی الینده اوتوبوسا مینمیشدی . شوفر دئدی : خانیم سولدان اوچونجو سیرا بوش . قادین ۳۲ یاشیندا بیر گوزل قادینیدی و یولداشی دا اولدوقجا یاراشیقلی بیر دنیز ضابیطی ایدی . بوندان بیر نئچه آی اوول گنج قادین سهو بیر تشخیص نتیجه سینده رئال لاشدیریلان عملیاتدا گوزلرینی ایتیرمیشدی و اصلا گوره بیلمه یه جکدی . اری عملیاتدان سونرا آغریلی کئچری اویره نینجه یاخیلمیش و اوز – اوزونه بیر سوز وئرمیشدی . اصلا آروادینی تک بوراخمایاجاق ، اونا سونونا قده ر دستک اولاجاق . اوز آیاقلاری اوزرینده دایانانا قده ر جسارت وئره جکدی . گونلر کئچیردی . قادین و کئچن گون اوزونو داها پیس حیس ائدیر ، چوخ سئودی یی ارینه یوک اولدوغونو دوشونوردو . یولداشینین بو ایچینه باغلی ، پیس باخیشلی حالی اری چوخ اوزوردی . بیر آن اوول بیر شئیلر ائتمه سی لازیم ایدی ، آروادی گوندن گونه اوز ایچینه باغلی دونیاسیندا ایتیردی . ار بوتون گونلر دوشوندو ، گوزللر گوزلی یولداشیما نئجه کومک ائده بیلرم ؟. بیردن آغلینا یولداشینین کوهنه ایشی گلدی . گئری دونمه سینی ایستیه جکدی . آمما بونو اونا نئجه سویله یه جکدی ، چونکی آرتیق چوخ کوورک و غمگین ایدی . بوتون جسارتینی ییغاراق آخشام آروادینا موضونو آچدی . آروادی دهشتله گوزلرینی آچدی : من بونو نئجه ائده رم ؟! من کورام ، دییه قیشقیردی . اری اونا دستک اولدوغونو ، هر سحر اوزونو ایشه بوراخاجاغینی و آخشاملاری دا ایش چیخیشیندا گوتوره جه یینی و اونا چوخ گووندی یینی سویله دی . چونکی یولداشینی چوخ تانی ییردی و بونوباجارا بیله جه یینی بیلیردی . قادین بی بویوک اومید سیزلیکله قبول ائتدی چونکی یولداشینی چوخ سئویردی و اونو قیرماق ایسته میردی . فداکار ارهر سحر یولداشینی ایشینه بوراخیر و آخشاملار دا گوتوروردو .
گونلر بئله ایره لیله دی ، آروادی کوهنه سیندن بیر آز داها یاخشیدی ، لاکین اری داها چوحونو ایسته ییردی . اوزونه سوز وئرمیشدی سونونا قده ر گئیده جکدی . آخشام آروادینا دئدی : آرتیق ایشه اوزون گئیدیب گلمه لی سن ، قادین شاشمیشدی .
بونو اصلا ائده بیلمه یه جه یینی سویله دی . اری ایصرار ائدینجه یئنه قیرا بیلمه دی و بوتون جسارتینی ییغدی . بونو اوزوده ایسته ییردی آمما او قده ر اعتیباری یوخ ایدی . سحر لر قادین آرتیق دایاناجاغینا اوزو گئیدیر ، اوتوبوسا مینیر و اوتوبوسدان ائنه رک ایشینه گئیده بیلیردی . گونلر گونلری قوودو ، هئچ بیر پیرابلئم یوخ ایدی . یئنه بیرگون اوتوبوسا مینرکن ، شوفر دئدی : خانیم من سیزه قیسنانیرام . قادین اوزونو دئییلیب دئییلمه دی یینی آنلایا بیلمه دن سوردو : نییه ؟ شوفر دئدی : چونکی هر سحر سیزین آرخانیزدان بیر دنیز ضابیطی گنج آدام اوتوبوسا مینیر و بوتون یول بویونجا سئوگی له سیزه باخیر، اوتوبوسدان ائندیکدن سونرا یاشیل ایشیقدا یولون قارشی سینا کئچمه یئری گوزله ییر سیز بینا یا گیردیکدن سونرا آرخانیزدان اوپوش گونده ریب سیزه هر گون سئوگی له ال یئلله ییر .

قیسا حیکایه
تشخیصه دیاگنوز ایصطیلاحی یازیلمیشدی –
باغلی یئرینه قاپالی یازیلمیشدی –
پیس باخیشلی حالی یئرینه پسی میست ایصطیلاحی ایشلنمیشدی = بدبین
قیسقانماق = فشردگی !

2+
امتیاز:
اشتراک گذاری:
برچسب ها :
مطالب مرتبط
دیدگاه شما