کدخبر : 32102
دوشنبه ۱۸ مرداد ۱۳۹۵ - ۱۳:۴۸
فاقددیدگاه
15 ژوئیه کودتاسی/

تورکیه نین ان بویوک دموکراسی میتینگی

دورنانیوز - تورکجه سئرویسی : داها 3 هفته اوّل موستقیل‌لیگینه نظرده توتولموش، تورپاق‌لاری ایشغالین ائشیگین‌دن دؤنموش، اگمنلیگی الین‌دن آلینماق ایستنمیش.

دورنانیوزون آلدیغی خبرلره گوره ؛ ۱۵ ژوئیه‌ده آلچاق قالخیشما‌دان بو یانا تاریخ یازان تورک میللتی، افسانوی بو اثرینه ایمضانی، ایستانبول یئنی‌کاپیداکی دموکراسی و شهیدلر میتینگی ایله آتدی.

بیر میللت کی، داها ۳ هفته اوّل اوزرینه بومبا یاغدیریلمیش‌دیر.

کوچه‌لرده عسگر قیلیق‌لی خائین‌لرین تانک‌لی توفک‌لی هوجوملاریندا ۲۳۹ جانینی شهید وئرمیش.

داها ۳ هفته اوّل موستقیل‌لیگینه نظرده توتولموش، تورپاق‌لاری ایشغالین ائشیگین‌دن دؤنموش، اگمنلیگی الین‌دن آلینماق ایستنمیش

مجلیسی ییخیلیب باغلانیلماق، پرزیدنت اؤلدورولمک، مرزلری یئنی‌دن بلیرلمک عذره حاضیرلانان آلچاق بیر سناریونو یوخ ائتمیش.

یئتممیش، ۲۲ گئجه بویونجا کوچه‌لرده گونشین دوغوشونو گؤزلمیش، قارانلیغین آیدینلیغا دؤندوگون‌دن امین اولوب ائوینه آنجاق او زامان گیده‌بیلمیش.

و نهایت ۲۳-جو گون ایستانبولدا، پرزیدنت رجب طیب اردوغانین چاغیریشییلا، من بو پارتیدئنیم، من بو اتنیک کؤکندئنیم دئمه‌دن، الینده تورک بایراغی تک سس تک نفس اولموش.

بیر میللت کی ۱۵ یول گئجه‌سی صاحب چیخدیغی دموکراسیسی‌نین، جمهوریتی‌نین ظفرینی ایستانبول یئنی‌کاپیدا اؤلومسوزلوکله قوتسامیش.

عینی زامان‌لی اولا‌راق، دیاربکیردان ادیرنه‌یه، آنتالیا‌دان سینوپ، کوچه‌یه چیخیب “تورکیه بؤلونه بیلمز” شعارلارینی، پنسیلوانیاداکی او خائینه و او ایلانی بسله‌ین‌لره قیشقیرمیش.

سوریه‌دن، افغانیستان‌دان، عراق‌دان تورکیه‌یه سیغینمیش، وطن سئوگی‌سینی بورادا دادمیش یوز مین‌لری ده یانینا آلمیش.

اوجا تورک میللتی.

سن نه بؤیوکسن.

قانینی داشییانی غورورلاندیریر، بیگانه‌نین/ یادین اولانی جیجیکلندیریسن.

دوستونا گوون، دوشمه‌نینه قورخو سالیرسین.

ایستیقلال مارشینلا بوتون شهیدلرینی یاد ائدیر، بایراغینلا موستقیل‌لیگی‌نین سونسوزلوغا پرچینلیرسن.

نئجه بیر ایمان‌دیر کی سنینکی، اؤلدورولمک ایستیرکن یئنی‌دن دوغولور، دیز چؤکتورولمک ایستنیرکن داها دا شاهلانیرسین.

قایناق: تی آر تی

.

0
امتیاز:
اشتراک گذاری:
مطالب مرتبط
دیدگاه شما