کدخبر : 2785
یکشنبه ۱۳ بهمن ۱۳۹۲ - ۰:۴۸
۸ دیدگاه

چوخ‌ هویت‌لی میللت

دورنانیوز – سرویس تورکی : بیز آذربایجانلیلار چوخ‌ هویت‌لی میللت‌ایک. بیزیم کیمی چوخ‌ هویت‌لی میللت، سانیرام یئر اوزونده تاپیلماز. چوخ ‌هویت‌لی اولدوغوموزون کؤکو نیسبی‌لیگه ایناندیغیمیزداندیر بلکه. ساده بیر سورغو ایله بیزیم چوخ ‌هویت‌لی اولدوغوموزو آنلاماق چتین دئییل.

سیز هانسی میللتدن‌سینیز؟

بیریسی بیزدن بو سورغونو سوروشسا، اؤنجه سوروشانین کیملیگینی اؤیره‌نیب سونرا یانیتلایاریق سورغوسونو.

سوروشان فارس اولسا، دؤشوموزو قاباغا وئریب، ” تورک زبان “-یق دئیه‌ریک.

سوروشان کورد اولسا، ” عجم ” اولاریق.

سوروشان ائرمنی اولسا، ” موسلمان ” آدلاندیراریق اؤزوموزو.

سوروشان قوزئی آذربایجانلی اولسا، ” ایرانلی “-لاشاریق.

سوروشان تورکیه‌لی اولسا، بیز ” آذری ‌”-ییق افندیم، سؤیله‌یه‌ریک.

سوروشان آذربایجانین سوننی تورکلریندن اولسا، ” شیعه ” اولوب حضرت علی‌نین حاققی‌نین تاپدالانماسیندان سیزلایاریق.

سوروشان زنجان، همدان،  قاشقایستان، خلجستان، خوراسان تورکو اولسا، اؤزوموزو ” آذربایجانلی “-‌ییق دئیه تانیتدیراریق.

سوروشان اؤزوموز اولساق، ” چوخ هویت‌لی میللت‌ایک ” دئیه‌ریک اؤزو اؤزوموزه …..

 قایناق : وبلاگ اسماعیل سالاریان _  دوکتور جئری

0
امتیاز:
اشتراک گذاری:
مطالب مرتبط
نظرات بازدید کنندگان
  1. méni düstaghlayacaqlar , ana dilimdé danishdighim için . sonra bir soyuq sükuté sürgün edécéklèr .
    ancaq bilméyécéklér ki mén sükut edsémdé , ana dilimdé susacayam.

    fevralin 21 , dünyaliq ANA DILI günü qutlu olsun

    0

  2. قیزلدان دا اولسا قفسیم آزادلیقدیر هوسیم

    0

  3. بیر انسانام؛ تورکم؛ آذربایجانیام

    0

  4. سوروشان کیم سه اولسا، “ آزربایجان تورکی ”-م دئیه‌رم!

    0

  5. بیز تانرینین یاراددیقی اینسانیخ. دیلیمیز تورکو، دینیمیز اسلام، یوردوموز دونیانین باشا باشی،

    0

  6. من تورکم آنا یوردوم آذربایجان

    0

  7. kimsıə soruşsa qoy soruşsun

    azərbaycan türkü yanı şiə-yani musəlman
    kimə desən azərbaycan türküyəm hesab əlınə gələr – bülər kimindən tərəfdı

    0

  8. هویت من:تورکم
    همین کافیست

    0

دیدگاه شما